مرکزاطلاعات فلسطین کے مطابق غرب اردن کے وسطی شہر رام اللہ میں بلعین کے مقام پر فلسطینی شہریوں نے دیوار فاصل کے خلاف احتجاجی مارچ کیا۔ مظاہرین نے ہاتھوں میں بینرز اور کتبے اٹھا رکھے تھے جن پردیوار فاصل کو گرانے کے حق میں نعرے درج تھے۔
عینی شاہدین نے بتایا کہ بلعین میں فلسطینی شہریوں کی نکالی گئی ہفتہ وار ریلی پرقابض صہیونی فوجیوں نے لاٹھی چارج کیا، آنسو گیس کی شیلنگ کی اور ربڑ کے کور میں لپٹی دھاتی گولیوں کی شیلنگ کی گئی جس کے نتیجے میں درجنوں افراد زخمی ہوگئے۔
مظاہرین نے ہاتھوں میں زندہ جلائے گئے فلسطینی خاندان کے افراد اٹھارہ ماہ کے علی دوابشہ اس کے والد سعد اور والدہ ریہام دوابشہ کی تصاویر بھی اٹھا رکھی تھیں۔ مظاہرین سے خطاب کرتے ہوئے مقررین نے صہیونی ریاستی دہشت گردی کی شدید مذمتکی اور فلسطینی سیاسی قوتوں سے صہیونی دہشت گردی کے خلاف متحدہ ہونے کی ضرورت پر زور دیا۔