(روزنامہ قدس ۔آن لائن خبر رساں ادارہ) فلسطین نیشنل پریس کلب نے عرب ممالک کے صحافیوں کے صیہونی صہیونی ریاست کے ساتھ دوستانہ دوروں کی شدید الفاظ میں مذمت کرتے ہوئے کہا ہے کہ یہ صحافی صہیونی ریاست کے جرائم کا پردہ چاک کرنے کے بجائے اس کے جرائم پر پردہ ڈال رہے ہیں۔
فلسطینی پریس کلب کی طرف سے جاری ایک بیان میں بعض عرب ممالک کے صحافیوں کی جانب سے صیہونی ریاست کے ساتھ تعلقات کو معمول پر لانے کی تعلقات کو استوار کرنے کی راہ ہموار کرنے کی شدید الفاظ میں مذمت کرتے ہوئے کہا گیا ہے کہ عرب ممالک کے صحافیوں کو صہیونی ریاست کے دوستانہ دوروں کے بجائے فلسطینی مقدسات کی صہیونیوں کے ہاتھوں ہونے والی بےحرمتی، اسرائیلی قید خانوں میں پابند سلاسل فلسطینیوں پر ڈھائے جانے والے مظالم، فلسطینی علاقوں میں یہودی بستیوں کی تعمیر اور روز مرہ کی بنیاد پر اسرائیلی ریاستی دہشت گردی پر آواز بلند کرنی چاہیے، یہ صحافی صہیونی ریاست کے جرائم کا پردہ چاک کرنے کے بجائے اس کے جرائم پر پردہ ڈال رہے ہیں۔
بیان میں مزید کہا گیا ہے کہ عرب ممالک کے لیے یہ قطعا نا مناسب ہےکہ وہ اپنے صحافیوں کو اپنے سفیر بنا کر صہیونی ریاست کے ساتھ دوستی کی راہ ہموار کرنے کے لیے بھیجیں، عرب ممالک کے صحافیوں کے صہیونی ریاست کے ساتھ دوستانہ دورے فلسطینی قوم کے خلاف صہیونی ریاست کے جرائم کی حمایت کے مترادف ہے۔a