اسلامی تحریک مزاحمت [حماس] کے خارجہ معاملات کے عہدیدار اسامہ حمدان نے کہا ہے کہ عرب خطے میں ہونے والی سیاسی پیشرفت عرب قوم کو دنیا میں اس کا کھویا ہوا مقام دلانے میں اہم کردار ادا کرسکتی ہے۔
حمدان نے قدس پریس سے بات کرتے ہوئے بتایا ہے کہ عرب نیشنل کانگرس کے افتتاحی اجلاس کے دوران شروع ہونے والے اختلاف پر قابو پالیا گیا ہے۔ یہ جھگڑا اس وقت شروع ہوا تھا جب کچھ شرکاء نے اسلامی رجحان کو تنقید کا نشانہ بنایا تھا۔
حماس عہدیدار نے کہا ہے کہ "عرب نیشنل کانگرس کا مقصد اس قوم کے تمام حصوں جن میں اسلامی ، قوم پرست اور بائیں بازو کے لوگ شامل ہیں ان کو قریب لایا جائے تاکہ اس قوم کی تجدید کے لئے ایک طریقہ کار وضع کیا جاسکے۔
انہوں نے مزید بتایا کہ اگر عرب خطے میں ہونے والی تبدیلیوں کو اگر معقول طریقے سے سنبھالا جائے تو وہ اس قوم کو دوبارہ عروج تک لے جائیں گی۔
تقریب کے کچھ شرکاء کے مصری صدر محمد مرسی اور اخوان المسلمون کو تنقید کا نشانہ بنانے پر کچھ قومی اور اسلامی رہنماوں نے کانگریس کے سیشنز میں شرکت نہیں کی تھی۔
بشکریہ:مرکز اطلاعات فلسطین