مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی پولیس نے ایک جعلی پولیس مقابلے میں نہتے فلسطینی شہری کی گاڑی کا تعاقب کرتے ہوئے اسے گولیاں مار کر شہید کر دیا۔
روز نامہ قدس کو موصول ہونے والی اطلاعات کے مطابق ہفتے کو علی الصباح اسرائیلی پولیس نے گاڑی پر فائرنگ کی جس کے نتیجے میں گاڑی کا ڈرائیورشہید ہوگیا۔
مقامی فلسطینی ذرائع کے مطابق شہید کی شناخت ریاض محمد حماد شماسنہ کے نام سے کی گئی ہے جس کا تعلق مغربی بیت المقدس کے قطنہ قصبے سے ہے۔ گاڑی پر اسرائیلی نمبر پلیٹ لگی ہوئی تھی۔
اسرائیلی فوج نے شہادت کے بعد فلسطینی نوجوان کا جسد خاکی قبضے میں لے لیا ہے۔