(روزنامہ قدس ۔آن لائن خبر رساں ادارہ) صیہونی فوج نے مقبوضہ بیت المقدس کےمختلف علاقوں سے جھڑپوں کے بعد تین فلسطینی نوجوانوں کو اغوا کرلیا۔
قابض صیہونی فوج نے گزشتہ روز مقبوضہ بیت المقدس پرانے شہر کے نواحی علاقے وادی الجوز میں تلاشی کے نام پرفلسطینیوں کے گھروں میں لوٹ مار اور مکینوں کو تشدد کا نشانہ بنایا جس کے رد عمل میں فلسطینی نوجوانوں نے قابض فوج پر پتھراؤ کیا ۔
صیہونی فوج نے فلسطینی نوجوانوں کو منتشر کرنے کیلئے آنسو گیس اور ربڑ کی گولیوں کا آزادانہ استعمال کیا جس کے نتیجےمیں 4 فلسطینی نوجوان زخمی ہوگئے ۔
جھڑپوں کےبعد قابض فوج نے مقبوضہ بیت المقدس کے مختلف علاقوں باب الحطہ ، باب الرحمہ اور وادی الجوز سمیت دیگر علاقوں میں چھاپہ مار کارروائیاں کرتےہوئے تین فلسطینی نوجوانوں کو اغوا کرنے کے بعدنامعلوم مقام پر متنقل کردیا ۔