(فلسطین نیوز۔مرکز اطلاعات) مسجد اقصیٰ میں یہودی آبادکاروں اور اسرائیلی فوجیوں کی غیرقانونی آمدورفت اور مقدس مقام کی بے حرمتی کا سلسلہ جاری ہے۔ رپورٹ کے مطابق گذشتہ روز دن بھر یہودی آباد کار اور اسرائیلی فوجی وردیوں میں قبلہ اول میں داخل ہوتے اور تلمودی تعلیمات کے مطابق مذہبی رسومات ادا کرتے رہے ہیں۔
رپورٹ میں مقامی ذرائع کے حوالے سے بتایا ہے کہ قبلہ اوّل میں داخل ہونے والے یہودیوں کو اسرائیلی فوج اور پولیس نے جانب سے فول پروف سیکیورٹی مہیا کی گئی تھی۔
مقامی ذرائع نے بتایا کہ یہودی آباد کار مسجد اقصیٰ کے ’’مراکشی‘‘ دروازے سے داخل ہوتے اور ’’باب السلسلہ‘‘ سے باہر نکلتے رہے۔ ایک گروپ میں 17 یہودی قبلہ اوّل میں داخل ہوئے۔ اس کے علاوہ 12 اسرائیلی فوجی بھی وردیوں میں قبلہ اوّل میں داخل ہوئے۔ ان میں انٹیلی جنس اہلکاروں کےدو سینیر افسران بھی شامل تھے۔
یہودیوں کی آمد کے موقع پر فلسطینی نمازیوں نے تکبیر کے نعرے لگائے۔ عینی شاہدین نے بتایا کہ یہودی آباد کار مسجد اقصیٰ کے باب الرحمہ کے اندرونی احاطے میں جمع ہوئے جہاں ان کے مذہبی پیشواؤں نے انہیں قبلہ اوّل کی جگہ مذموم ہیکل سلیمانی کے بارے میں بریفنگ دی۔