(فلسطین نیوز۔مرکز اطلاعات) قابض اسرائیلی فوج نے مقبوضہ مغربی کنارے کے شہر بیت لحم کے مغرب میں واقع حوسان ٹاؤن اور جنوبی شہر جنین کے پاس واقع عرابہ پر رات کے اندھیرے میں چھاپہ مار کارروائی کی ہے۔
حوسان ٹاؤن کے مقامی ذرائع کے مطابق اسرائیلی فوجیوں نے آںسو گیس اور گولیوں کے بارش کے درمیان علاقے میں چھاپہ مار کارروائیاں جاری رکھیں۔اس موقع پر کئی گھروں کی تلاشی کے بہانے ان میں توڑ پھوڑ کی گئی۔ اس کے علاوہ اسرائیلی فوجیوں نے جنین کے قصبے عرابہ کا رخ کیا جہاں پر ایک مقامی کیفے اور آٹو شو پر حملہ کردیا گیا۔
اسرائیلی چھاپوں کے بعد نوجوانوں اور اسرائیلی فوج کے درمیان پرتشدد جھڑُپوں کا سلسلہ شروع ہوگیا۔
اسرائیلی فوج نے تلاشی مہم کے دوران ایک 43 سالہ شخص کو حراست میں لے لیا۔ فلسطینی نوجوانوں نے ردعمل کے طور پر اسرائیلی فوج کے واچ ٹاور پر پتھراؤ کیا۔
اسرائیلی فوجیوں نے اس حملے کے بعد فوری طور پر علاقے میں پوزیشن سنبھال لی اور یعبد قصبے کے تمام داخلی راستوں کو بند کردیا۔ مقامی ذرائع کے مطابق اسرائیلی فوج کی 12 گاڑیوں نے علاقے میں داخل ہوتی دیکھی گئی ہیں۔
یعبد، کفریت اور ام ریان کے علاقوں میں متعدد ناکے لگا دئیے گئے ہیں جن کے نتیجے میں لوگوں کی نقل وحرکت ختم ہوگئی ہے۔