رپورٹ کے مطابق اتوار کو علی الصباح مغربی جنین شہر میں کفر دان کے مقام پر اسرائیلی فوجیوں نے تلاشی کے دوران اسلامی تحریک مزاحمت "حماس” کے 40 سالہ رہنما اور سابق اسیر ماھر تحسین عابد اور 29 سالہ محمد مصطفیٰ عابد کو حراست میں لے لیا۔
جنین اور حیفا شاہراہ بھی اسرائیلی فوجیوں نے تلاشی کی کارروائیاں کیں اور گھروں میں گھس کر نہتے شہریوں کو زدو کوب کیا۔
ادھر الخلیل شہر میں دیر سامت کے مقام پر تلاشی کے دوران 15 سالہ معتز عبدالباسط حروب کو حراست میں لے لیا۔
قبل ازیں دورا کے مقام پر تلاشی کے دوران 17 سالہ قسام احمد الشراونہ اور یزن رامی الشراونہ کو گرفتار کیا۔
درایں اثناء قابض فوجیوں نے اتوار کے روز علی الصبح الخلیل شہر میں شاہراہ السلام پر واقع ایک پرانے چھاپہ خانہ پر دھاوا بولا اور توڑپھوڑ کے بعد وہاں پر موجود فلسطینیوں کو تشدد کا نشانہ بنایا۔ صہیونی فوجیوں نے چھاپہ خانے میں رکھے تمام کمپیوٹر اور دیگر دستاویزات قبضے میں لے لیں۔