فلسطین کی سرکاری خبر رساں ایجنسی کی رپورٹ کے مطابق صدر محمود عباس کی زیرصدارت تنظیم آزادی فلسطین کا اجلاس رام اللہ میں منعقد ہوا جس میں پہلے سے موجود قومی حکومت کی بعض وزارتوں کے ردوبدل کا فیصلہ کیا گیا۔ محمود عباس نے سبکدوش وزیراعظم رامی الحمد اللہ کو ان کے عہدے پربحال کرتےہوئے انہیں کابینہ میں رد و بدل کا اختیار دیا ہے تاکہ فلسطین کے تمام علاقوں سیاسی تنظیموں کو ان کی حیثیت کے مطابق نمائندگی دی جاسکے۔
پی ایل او کے "ایگزیکٹو” کمیٹی کے ایک ذریعے نےبتایا ہے کہ قومی حکومت میں تبدیلی کے لیے سیاسی جماعتوں سے صلاح مشورہ جاری رکھنے پر اتفاق کیا گیا ہے۔ صدر کی زیرصدارت اجلاس میں وزیرتعلیم خولہ الشخشیر اور وزیر برائے لوکل گورنمنٹ نائف ابو خلف کو ان کے عہدوں سے ہٹا دیا گیا ہے تاہم وزیراعظم رامی الحمد اللہ اپنے عہدے پرقائم رہیں گے۔ دیگر وزارتوں میں تبدیلی کے لیےسیاسی جماعتوں سے مشاورت کی جائے گی۔
بشکریہ:مرکزاطلاعات فلسطین