رام اللہ (روز نامہ قدس ۔آن لائن خبر رساں ادارہ) شہید فلسطینی صالح البرغوثی کی زیرحراست والدہ سھیل البرغوثی اور شہید کے بھائی عاصم کے خلاف اسرائیل کی فوجی عدالت میں مقدمہ کی کارروائی شروع کردی گئی ہے۔
روز نامہ قدس کو موصول ہونے والی اطلاعات کے مطابق کلب برائے اسیران نے بتایا ہے کہ شہید فلسطینی صالح البرغوثی کی والدہ سھیل البرغوثی اور ان کے بھائی عاصم البرغوثی کو گذشتہ روز اسرائیلی فوجی عدالت ’’عوفر‘‘ میں مقدمہ چلایا گیا۔ عدالت نے دونوں کو مزید 27 گھنٹے تک پولیس کی حراست میں رکھنے کا حکم دیا گیا۔
خیال رہے کہ سھیل البرغوثی، ان کے شوہر عمر البرغوثی ، بیٹے عاصم اور عاطف کو اسرائیلی فوج نے ڈیڑھ ماہ قبل حراست میں لے لیا تھا۔ ان کی گرفتاری سے قبل سھیل کے جواں سال بیٹے صالح البرغوثی کو گولیاں مار کرشہید کردیا گیا تھا۔