(روز نامہ قدس ۔آنلائن خبر رساں ادارہ) غاصب صیہونی افواج نے غزہ کے شمالی علاقے جبالیا، بیت لاھیہ ، بیت ھانون سمیت دیگر علاقوں میں ایک ماہ سے زائد عرصے سے بدترین محاصرہ جاری رکھا ہوا ہے ، شمالی علاقےمیں خوراک ، پانی اور ادویات سمیت کسی بھی قسم کی امداد کے داخلےپر پابندی ہے۔
فلسطینی وزارت صحت کی جانب سے جاری کردہ بیان صیہونی ریاست کے گھناؤنے منصوبے کا انکشاف کیا ہے، رپورٹ میں بتایا گیا ہے کہ اسرائیلی فورسز نے غزہ پر ایک سال سے زائد عرصے سے وحشیانہ بمباری کا سلسلہ جاری رکھا ہو اہے جس میں اب تک 43 ہزار سے زائد فلسطینی شہید اور ایک لاکھ سے زائد زخمی ہوچکے ہیں۔ رپورٹ میں بتایاگیا ہے کہ اسرائیلی فوج نے شمالی غزہ پر ایک ماہ سے زائد عرصے سے بدترین محاصرہ جاری رکھا ہوا ہے جس میں علاقے میں موجود 4 لاکھ سے زائدفلسطینیوں کو بھوک سے ہلاک کرنے کا منصوبہ بنایا گیا ہے، بھوک کو غزہ میں جنگی ہتھیار کے طورپر استعمال کیا جارہا ہے جو سنگین جنگی جرم ہے۔واضح رہے کہ شمالی علاقون میں محصور چار لاکھ فلسطینیوں میں سے ایک لاکھ سے زائد بچے ہیں جو بھوک کے باعث موت کی دہلیز پر پہنچ گئے ہیں۔