(روزنامہ قدس ـ آنلائن خبر رساں ادارہ) سعودی وزیرِ خارجہ فیصل بن فرحان نے کہا ہے کہ مغربی کنارے پر ممکنہ صہیونی قبضے پر عرب و مسلم ممالک کا ردِعمل آئیگا۔ فیصل بن فرحان نے کہا کہ مجھے یقین ہے کہ امریکی صدر ڈونلڈ ٹرمپ عرب اور دیگر اسلامی ممالک کے موقف کو سمجھیں گے۔
عرب میڈیا کے مطابق سعودی عرب کے وزیرِ خارجہ فیصل بن فرحان نے امریکی صدر ٹرمپ پر واضح کردیا کہ مغربی کنارے پر کسی بھی قسم کے غاصبانہ قبصے کا مسلم دنیا اور عرب ممالک کی جانب سے ناصرف اس پر شدید ردِعمل آئے گا بلکہ اس سے غزہ کے حوالے سے ممکنہ مفاحمتی عمل اور خطے کے امن کو بھی نقصان پہنچے گا۔
سعودی وزیرِ خارجہ نے فلسطینی اتھارٹی کے لیے مالی اعانت کے لیے اتحادیوں کے ہمراہ مشترکہ فنڈ کے قیام کا اعلان بھی کیا۔اس حوالے سے انہوں نے سعودی ریاست کی جانب سے فلسطینی اتھارٹی کو نوے ملین ڈالر امداد دینے کا بھی اعلان کیا۔
