روس کی طرف سے فلسطینی جمہوری محاذ کو ماسکو کے دورے کی دعوت

غزہ (روز نامہ قدس ۔آن لائن خبر رساں ادارہ) روس کی جانب سے فلسطینی جمہوری محاذ کو دورہ روس کی دعوت دی گئی ہے۔

روز نامہ قدس کو موصول ہونے والی اطلاعات کے مطابق جمہوری محاذ کی طرف سے جاری کردہ ایک بیان میں کہا گیا ہے کہ روس کی طرف سے جماعت کو ماسکو کے دورے کی دعوت دی گئی ہے۔ اس دعوت کے بعد جمہوری محاذ کی قیادت 11 سے 13 فروری 2019ء کے دوران ماسکو کا دورہ کرے گا۔

روس کے دورے کے دوران عوامی محاذ کی قیادت روسی قیادت کے ساتھ فلسطین کی صورت حال پرتبادلہ خیال کرے گی۔ اس موقع پر جمہوری محاذ کی قیادت روسی وزیرخارجہ سیرگی لافروف سے بھی ملاقات کرے گی۔