(فلسطین نیوز۔مرکز اطلاعات) فلسطین کے مقبوضہ شہروں میں حالیہ ہفتوں کے دوران منظم ریاستی دہشت گردی کے دوران شہید کیے گئے فلسطینیوں میں سے 10 کے جسد خاکی ابھی تک اسرائیلی فوج کے قبضے میں ہیں جہاں پوسٹمارٹم کی آڑ میں ان کی چیر پھاڑ جاری ہے۔ روکے گئے جسد خاکی میں دو بچوں کی میتیں بھی شامل ہیں۔
رپورٹ کے مطابق صہیونی فوجیوں نے یکم اکتوبر 2015 ء کے بعد شہید کئے گئے دسیوں فلسطینیوں کے جسد خاکی قبضے میں لیے۔ ان میں سے دس فلسطینیوں کے جسد خاکی ہنوز صہیونی فوج کی تحویل میں ہیں۔ان میں ثائر ابو غزالہ کا جسد خاکی 101 دن سے اور 15 سالہ حسن مناصر کا جسد خاکی 98 دن سے اسرائیلی فوج کی تحویل میں ہے۔ دیگر شہداء میں بہاء محمد علیان، علا ابو الجمل، احمد ابو شعبان، 16 سالہ معتز عویسات، نمرعمر یاسر سکافی، عبدالمحسن حسونہ اور مصعب الغزالی نامی شہداء کے جسد خاکی بھی اسرائیلی فوج کے قبضے میں ہیں۔