(روزنامہ قدس ـ آنلائن خبر رساں ادارہ) اسلامی تحریک مزاحمت( حماس) نے کہا ہے کہ برادر ملک یمن پر قابض اسرائیل کا حملہ ایک جنگی جرم، ایک عرب ملک کی خود مختاری کی ، بین الاقوامی قوانین اور روایات کی کھلی خلاف ورزی ہے۔
حماس نے بیان میں کہا کہ یمن پر حملہ اور اس کے ساتھ ساتھ شام، لبنان اور غزہ پر قابض اسرائیل کی مسلسل درندگی، عرب اور اسلامی دنیا کی عوام کے لئے اس ریاست کے سنگین خطرے کو ظاہر کرتی ہے اور اس کی دہشت گردی اور توسیع پسندانہ نوعیت کی تصدیق کرتی ہے۔
بیان میں کہا گیا کہ یہ حملے قابض اسرائیلی حکومت کے جنگی مجرم وزیر اعظم بنجمن نیتن یاہو کے اس نام نہاد ناجائز گریٹر اسرائیل منصوبے کے اعلان کردہ موقف کے تناظر میں کیے گئے ہیں۔ حماس نے یمن کی عوام ، ان کی مسلح افواج اور انصار اللہ تحریک کے ساتھ اپنی مکمل یکجہتی کا اظہار کیا ہے۔
حماس نے عالمی برادری، اقوام متحدہ اور عرب ممالک اور مسلم دنیا سے مطالبہ کیا کہ وہ اپنی ذمہ داریاں پوری کریں اور قابض اسرائیل کو فلسطینی عوام اور دیگر عرب اقوام کے خلاف اپنی درندگی کو روکنے پر مجبور کریں۔
