اسلامی تحریک مزاحمت ۔ حماس نے عید الاضحی کے پر سعید موقع پر فلسطینی قوم، عرب اور اسلامی دنیا کو مبارک باد پیش کی ہے۔
عید الاضحی کی آمد پر حماس نےاللہ سے فلسطینی قوم کے درمیان اتحاد اور پوری امت مسلمہ میں اتفاق کی دعا کی۔ حماس نے بار گاہ الہی میں اس اہم موقع پر قبلہ اول اور سرزمین فلسطین کی یہودی شکنجے سے آزادی اور اسرائیلی جارحیتوں کے باعث دیگر ممالک میں پناہ لینے والےمہاجرین کی وطن واپسی کی دعا بھی کی۔
سعودیہ عرب سمیت متعدد عرب ممالک میں اتوار کے روز عید منائی جا رہی ہے۔