امریکی ذرائع ابلاغ کا کہنا ہے کہ فلسطین کی سب سے بڑی پارلیمانی سیاسی جماعت اسلامی تحریک مزاحمت ۔ حماس اور ترک حکومت کے مابین ترکی میں حماس کا دفتر کھولنے کے متعلق گفت و شنید جاری ہے۔
ذرائع ابلاغ نے اس بات کا امکان ظاہر کیا ہے کہ یہ باتچ یت کامیاب ہو جائے گی اور جلد ہی ترکی میں حماس کا دفتر کام شروع کر دے گا۔
ترک صدر نے متحدہ عرب امارات کے لیے جانے سے قبل صحافیوں سے گفتگو کرتے ہوئے اس ضمن میں کہا کہ ترکی فلسطین کی انتہائی سیاسی جماعت اور حقیقت ہے۔ یہ بات بھی پہلے سے سب کو معلوم ہے کہ ترکی اور حماس کے مابین طویل عرصےسے مذاکرات جاری ہیں اور حماس کے رہنما ترکی کے متعدد دورے کر چکے ہیں۔
ترک صدر عبد اللہ گل نے زور دے کر کہا کہ ترک مسئلہ فلسطین کا سب سے بڑا حامی سمجھا جاتا ہے یہی وجہ ہے کہ مستقبل میں ترکی اور تحریک حماس کے مابین تعاون بڑھے گا۔
صدر عبد اللہ گل کی جانب سے حماس کے ساتھ تعلقات قائم رکھنے کے بیان کے بعد مختلف امریکی اور عالمی ذرائع ابلاغ ترکی میں حماس کے دفتر کھولے جانے کے امکانات ظاہر کر رہے ہیں۔