اسرائیل کا ایک جاسوس طیارہ اتوار کے روز جنوبی فلسطین کے شہر اسدود میں گر کر تباہ ہو گیا ہے۔اسرائیل کا یہ ڈرون طیارہ جاسوسی کے لیے محو پرواز تھا کہ اچانک مقبوضہ فلسطین میں گر کر تباہ ہو گیا۔
اسرائیلی فوج نے ڈرون طیارے کے حادثے کے بعد اس کا ملبہ اٹھانے کے لیے اسدود کے مقامی شہریوں کو جائے وقوعہ کی طرف آنے سے روک دیا۔
اسرائیلی ریڈیو کے مطابق طیارے کا حادثہ اتوار کو مقامی وقت کےمطابق صبح دس بجے پیش آیا۔ رپورٹ کے مطابق جاسوس طیارہ اسدود میں قائم اسرائیلی فوج کے ایک کیمپ سے کچھ ہی فاصلے پرگرکر تباہ ہوا ہے، ملبہ گرنے سے مقامی آبادی میں کسی قسم کے نقصان کی اطلاع نہیں ملی اور نہ ہی طیارے کے حادثے کی وجہ معلوم ہوسکی ہے۔