رپورٹ کے مطابق اتوار کو غزہ کی پٹی میں حماس کی میزبانی میں ہونے والے اجلاس میں دوسری فلسطینی جماعتون کے مندوبین نے بھی شرکت کی۔
اجلاس کے بعد میڈیا سےبات کرتے ہوئے حماس کے ترجمان سامی ابو زھری نے کہا کہ فلسطینی تنظیموں کے اجتماع کا مقصد رفح گذرگاہ کی نگرانی کے معاملے کا کوئی حل نکالنا تھا۔ حماس سمیت تمام جماعتوں نے رفح گذرگاہ کی نگرانی کے لیے ایک مشترکہ قومی کمیٹی تشکیل دینے سے اتفاق کیا ہے۔
انہوں نے کہا کہ حماس نے تمام جماعتوں پر واضح کردیا ہے کہ رفح گذرگاہ کی تمام تر نگرانی کا اختیار فلسطین کی قومی حکومت کو دینے میں بھی کوئی رکاوٹ نہیں۔ گذرگاہ کے نگرانی کے لیے تمام جماعتوں کے اشتراک سے کمیٹی تشکیل دی جائے تاکہ غزہ کا بیرونی دنیا سے رابطہ ممکن بنایا جاسکے۔ ترجمان کا کہنا تھا کہ غزہ کی پٹی کی مصر سے ملحقہ راہ داری کی نگرانی کے لیے مشترکہ کمیٹی تشکیل میں کوئی امر مانع نہیں ہے۔