(فلسطین نیوز۔مرکز اطلاعات) رپورٹ کے مطابق صیہونی فوجیوں نے غرب اردن کے علاقے میں ایک اور فلسطینی نوجوان کو گولیاں مار کر شہید کر دیا ہے۔ مذکورہ فلسطینی نوجوان نے صیہونیوں کے وحشیانہ حملوں کے جواب میں جنوبی بیت لحم کے علاقے گوش عتصیون میں ایک اسرائیلی فوجی کو چاقو سے وار کرکے زخمی کر دیا تھا۔
گزشتہ روز بھی بیت المقدس کے قریب صیہونی فوجیوں نے اسی طرح کے ایک واقعے میں فلسطینی نوجوان کو گولیاں مار دیں تھیں جس سے وہ موقع پر ہی شہید ہوگیا تھا۔
مقبوضہ فلسطین کے مختلف علاقوں میں اسرائیل کے خلاف احتجاجی مظاہروں اور صیہونی فوجیوں کے خلاف فلسطینیوں کی مزاحمتی کارروائیوں کا سلسلہ جاری ہے جسے تحریک انتفاضہ قدس کا نام دیا گیا ہے۔
یکم اکتوبر سے جاری تحریک انتفاضہ قدس کے دوران صیہونی فوجیوں کی فائرنگ میں شہید ہونے والے فلسطینیوں کی تعداد ایک سو سینتالیس ہوگئی ہے