مقبوضہ بیت المقدس (روز نامہ قدس ۔آن لائن خبر رساں ادارہ) مقبوضہ بیت المقدس کے شمال میں قلندیہ چیک پوسٹ پر مبینہ کار حملے میں اسرائیلی فوجی معمولی زخمی ہو گیا۔ یہ واقعہ جمعرات کے روز پیش آیا۔
روز نامہ قدس کو موصول ہونے والی اطلاعات کے مطابق اسرائیلی پولیس نے ایک بیان میں دعویٰ کیا کہ یروشلم سے آنے والی کار نے ایک اسرائیلی فوجی کو کچلنے کی کوشش کی لیکن اس دوران اسرائیلی فوجی کی ایک ٹانگ زخمی ہوئی اور ڈرائیور موقع سے فرار ہو گیا۔
عبرانی میڈیا نے کہا کہ مزید فوجی دستوں کو جائے وقوعہ کی جانب روانہ کر دیا اور ڈرائیور کی تلاش کے لیےعلاقے میں سرچ آپریشن شروع کر دیا گیا۔