برطانیہ نے صہیونی لابی کے دباؤ میں آکر فلسطینیوں سے ہمدردی کا اظہار کرنے کے لیے انسانی حقوق کے رضاکاروں کوفلسطین کے سفرسے روک دیا ہے۔
مرکزاطلاعات فلسطین کے مطابق برطانوی فضائی کمپنی”جیٹ 2 ڈاٹ کام” کی جانب سے جاری ایک بیان میں کہا گیاہے کہ اس نے برطانوی اور بعض دیگرغیرملکی شہریوں کو تل ابیب کے لیے جاری کیے گئے ٹکٹ منسوخ کردیے ہیں۔ نیز یہ ان ٹکٹوں کو بعد میں متبادل وقت میں بھی قابل استعمال نہیں ہوں گی۔
کمپنی کی جانب سے یہ نہیں بتایا گیا کہ آیا اس نے فلسطین کی سفرکرنے والے کتنے مسافروں کی ٹکٹیں منسوخ کی ہیں تاہم اخبار "گارڈین” کی رپورٹ کے مطابق فضائی کمپنی نے ایسے کئی مسافروں کی ٹکٹیں منسوخ کردی ہیں جو فلسطین جانا چاہ رہے تھے۔ رپورٹ کے مطابق تین خواتین کو کمپنی کی جانب سے ای میل کے ذریعے ان کی ٹکٹوں کی منسوخی کے بارے میں آگاہ کیا گیا ہے۔ ای میل میں بتایا گیا ہے کہ انگلینڈ کے شمال مغربی شہرمانچسٹر سے کمپنی کے کسی بھی جہاز کی فوری طورپر کوئی اڑان نہیں ہے، لہذا مانچسٹر کے ہوائی اڈے سے حاصل کردہ ٹکٹیں منسوخ کی جا رہی ہیں۔
ذرائع کا کہنا ہے کہ برطانوی فضائی کمپنی کو وزارت داخلہ کی جانب سے سخت دباؤ کا سامنا تھا جس کے بعد اس نے "ویلکم فلسطین” کی تقریبات میں شرکت کا قصد رکھنے والے انسانی حقوق کے رضاکاروں کی ٹکٹیں منسوخ کردی ہیں۔ جیٹ ڈاٹ کام کی جانب سے بتایا گیا ہے کہ وہ ایسے کسی مسافرکو اپنے کسی جہاز میں سوار ہونے کی اجازت نہیں دے گی جو اسرائیل میں داخل ہونے کے بعد اسلحہ لے کرفلسطینی علاقوں میں چلا جائے۔ نیز یہ کہ اسے اطلاعات ملی ہیں کہ پرواز نمبر ” ایل ایس 907″ کے ذریعے فلسطین جانے والے بعض مسافروں کے پاس اسلحہ بھی ہے۔
کمپنی کا کہنا ہے کہ اگرکوئی مسلح شخص ان کے جہاز میں سوارہوگا تو اس کی واپسی کی ذمہ داری بھی اسی کمپنی کی ہوگی۔ "ویلکم ان فلسطین” کی تقریبات میں شرکت کے لیے جرمنی سے آنے والے کئی مسافروں کی ٹکٹیں بھی منسوخ کردی گئی ہیں۔ ان مسافروں نے جرمن فضائی کمپنی "لوفٹھائز” کی پروازوں کی ٹکٹیں حاصل کر رکھی تھیں اور ان کی تعداد بھی درجنوں میں تھی۔
خیال رہے کہ انسانی حقوق کی بعض تنظیموں کے تعاون سے فلسطین کے مقبوضہ مغربی کنارے کے شہر بیت لحم میں آج اتوار کو ایک بین الاقوامی اسکول نیٹ ورک کا افتتاح کیا جا رہا ہے۔ اسکول کی افتتاحی تقریب میں فرانس اور دیگریورپی ممالک کے مندوبین سمیت 1500 غیرملکی مندوبین کی آمد کی توقع ہے۔ ان میں فرانس کے مندوبین کی تعداد پانچ سے چھ سو کے قریب بتائی جاتی ہے۔
بشکریہ: مرکز اطلاعات فلسطین