مرکز اطلاعات فلسطین کے مطابق گذشتہ روز شمالی فلسطین میں یہودی کالونیوں کے قریب کوئی ایسا واقعہ پیش آیا ہے جس کے بعد سیکیورٹی ہائی الرٹ کردی گئی ہے تاہم یہودی آباد کاروں کو پہلے ہی کہا گیا تھا کہ وہ بلا ضرورت اپنے گھروں سے باہر نہ نکلیں۔
خیال رہے کہ حال ہی میں اسرائیل نے شام میں ایک قافلے پر فضائی حملہ کیا تھا جس کے نتیجے میں لبنانی حزب اللہ کے چھ اور ایرانی پاسداران انقلاب کا ایک سینیر عہدیدار شہید ہوگئے تھے۔ حزب اللہ اور ایران دونوں نے اس واقعے پر اسرائیل سے انتقام لینے کا اعلان کیا تھا۔
ذرائع کے مطابق اسرائیلی فوج نے گذشتہ روز الجلیل شہر میں کوئی ناخوش گوار واقعہ ناکام بنایا ہے تاہم اس کی تفصیلات سامنے نہیں آسکی ہیں۔ اسرائیلی فوج کو خدشہ ہے کہ شمالی سرحد سے لبنان کی جانب سے یہودی کالونیوں میں دراندازی ہوسکتی ہے۔ جو کسی بڑے جانی نقصان کا باعث بن سکتی ہے۔
بشکریہ:مرکزاطلاعات فلسطین