اسرائیلی انتظامیہ کے بلڈوزروں نے مقبوضہ بیت المقدس کےاطراف میں واقع گاؤں بیت صفافا کی زرعی اراضی کے اندر چھ رویہ سڑک کی تعمیر کے لیے کھدائیاں شروع کر دی ہیں۔ یہ سڑک بیت لحم کی قریبی اراضی پر قائم یہودی بستیوں کی جانب جائے گی۔
اس سڑک کی تعمیر کے بعد ان یہودی بستیوں تک کا سفر انتہائی آسان ہو جائے گا۔ چھ رویہ کشادہ سڑک کی تعمیر کے بعد صہیونی بستیوں کی جانب جانے کے راستے کی تمام رکاوٹیں دور ہو جائیں گی۔
ذرائع کے مطابق اس نئی شاہراہ کے ذریعے ہزاروں افراد اس سڑک پر سفر کریں گے اور غیر قانونی یہودی بستیوں کے مکینیوں کے سفر انتہائی آرام دہ ہو جائے گا۔ تشویش کی بات یہ بھی ہے کہ شاہراہ کی تعمیر کے لیے استعمال کی جانے والی سرزمین کا اکثر حصہ فلسطینیوں کے زیر ملیکت ہے جس پر فلسطینیوں میں غم و غصے کی لہر دوڑ گئی ہے۔ اس سڑک کی تعمیر کے لیے کی جانے والی کھدائیوں سے علاقے میں کشیدگی بڑھ گئی ہے۔
بشکریہ:مرکز اطلاعات فلسطین