مقبوضہ بیت المقدس کی اسرائیلی بلدیہ نے صہیونی فوجیوں کی بڑی تعداد کے ہمراہ ایک ہی ہفتے میں چار مرتبہ ایک فلسطینی گھر پر دھاوا بول کر اس میں توڑ پھوڑ کی اور اہل خانہ کو دس سال سے تعمیر اس گھر تعمیر اس گھر کو گرانے کا حکم دیدیا ہے۔ لگ بھگ 20 فوجیوں کے ہمراہ آنے والی بلدیہ کے اہلکاروں نے 300 مربع میٹر کے اس گھر کے ساتھ ساتھ اسی فلسطینی خاندان کے ایک کاروباری مرکز کو بھی مسمار کرنے کا حکم نامہ جاری کردیا ہے۔
ذرائع کے مطابق القدس کے بیت حنینا ٹاؤن میں محمد حسین الکسوانی کے گھر پر جمعہ کی شام صہیونی بلدیہ اور اسرائیلی فوجیوں نے حملہ کیا اور اہل خانہ کو زدوکوب کرنے کے بعد انہیں گھر گرانے کی ہدایت کر دی۔
صہیونی فورسز اس سے پہلے بھی اس گھر کو متعدد بار مسمار کر چکی ہیں۔ اسرائیلی فوج محمد حسین الکسوانی کے بیٹوں کو پہلے ہی گرفتار کر چکی ہے جس کے بعد دکھیارے ماں باپ کو انکے گھر سے بھی محروم کیا جارہا ہے۔
بشکریہ:مرکز اطلاعات فلسطین