قابض اسرائیلی فوج کی خدشات کی آڑ میں جگہ جگہ قائم چیک پوسٹوں کی وجہ سے فلسطینیوں کی مشکلات میں بجائے کمی کے اضافہ دیکھنے کو ملا ہے۔ اسرائیلی فوج نے جنوبی مغربی کنارے کے علاقے الخلیل کے ایک گاوں بیت امر کے داخلی راستے پر چیک پوسٹ قائم کر کے علاقے کو فوجی چھاونی بنا دیا۔
چیک پوسٹ کے بہانے اسرائیلی فوج نے مسجد اقصی میں لیلتہ القدر گزارنے کے بعد اپنے علاقوں کو واپس لوٹنے والے فلسطینیوں کو اپنی سواریوں سے اتار کر ان کی تلاشی لی اور انہیں کئی گھنٹے انتظار جیسے پہاڑ کا سامنا کرنا پڑا۔
یہودی آبادکاری اور نسلی دیوار کی مزاحمتی پاپولر کمیٹی کے ترجمان محمد عواد نے قدس پریس کو بتایا کہ اسرائیلی فوج نے دن کے آغاز میں بیت امر کے داخلی راستے پر فلسطینیوں کی گاڑیوں کی چھان بین کے لیے ایک چیک پوسٹ قائم کی۔
بشکریہ:مرکزاطلاعات فلسطین