فلسطینی شہرغزہ کی پٹی میں اسرائیلی فوج کی دراندازی کا نہ ختم ہونے والا سلسلہ بدستور جاری ہے۔ جمعہ اور ہفتہ کی درمیانی شب قابض صہیونی فوج کے ٹینک شہر کے وسطی علاقے البریج مہاجر کیمپ سے کئی سو میٹراندر داخل ہو گئے اور فلسطینیوں کے مکانات پر وحشیانہ گولہ باری کی۔
مرکزاطلاعات فلسطین کے نامہ نگار کے مراسلے کے مطابق البریج کیمپ اور اس کے آس پاس قابض صہیونی فوج کی گولہ باری سے درجنوں مکانات کو نقصان پہنچا اور شہری دوسرے لوگوں کے گھروں میں پناہ حاصل کرنے پر مجبور ہو گئے۔
اسرائیلی فوج کی ایک دوسری گشتی پارٹی نے بیت لاھیا کے شمالی علاقے سے ٹینک شہرمیں داخل کر دیے اور توپخانے سے کئی گھنٹے تک گولہ باری جاری رکھی، جس سے کئی مکانات تباہ اور مویشیوں ہلاک ہو گئے تاہم کسی انسانی جان کے نقصان کی تصدیق نہیں ہوسکی۔
انسانی حقوق کی تنظیموں کی اطلاعات کے مطابق البریج کیمپ کے مشرق میں اسرائیلی ٹینکوں کے ذریعے ایک فلسطینی کار پر دو راکٹ حملے کیے جس کےنتیجے میں کار تباہ ہو گئی تاہم کارسوارمحفوظ رہے۔
بشکریہ: مرکز اطلاعات فلسطین