اسرائیل کے انتہا پسند وزیرخارجہ آوی گیڈور لائبرمین نے ایک بارپھر فلسطینی مزاحمت کاروں کو پھانسی دینے کا مطالبہ کیا ہے اور کہا ہے کہ اسرائیل کے خلاف فدائی کارروائیاں کرنے میں ناکام رہنے والوں کو موت کےگھاٹ اتار دیا جائے۔
مرکزاطلاعات فلسطین کے مطابق لائبرمین کی جانب سے یہ مطالبہ ایک ایسے وقت میں سامنے آیاہے جب کل جمعہ کے روز ایک فلسطینی نوجوان نے اپنی کار کی ٹکر سے صہیونی خواتین پولیس اہلکاروں سمیت سات افراد کو زخمی کر دیا تھا۔ اسرائیلی پولیس کی فائرنگ سے زخمی ہونے والا کار ڈرائیور بعد ازاں زخموں کی تاب نہ لاتے ہوئے شہید ہوگیا تھا۔
اسی واقعے کےرد عمل میں اسرائیلی وزیرخارجہ آوی گیڈور لائبرمین نے کہا کہ میں ایک بار پھر اپنا یہ مطالبہ پورے زور کے ساتھ پیش کرتا ہوں کہ اسرائیل کے خلاف حملے کرنے والے فلسطینی’’تخریب کاروں‘‘ کو پھانسی دی جائے۔
بشکریہ:مرکزاطلاعات فلسطین