اسرائیلی جیل سروس کے اسپیشل یونٹ نے جمعرات کی صبع نقب جیل کے سیکشن 6 پر دھاوا بول دیا اور متعدد گھنٹوں پر محیط تلاشی مہم چلائی۔
فلسطینی سنٹر برائے مطالعہ اسیران کے میڈیا ڈائریکٹر ریاض الاشقر نے ایک بیان میں بتایا کہ عناصر درور یونٹ نے نقب جیل کے سیکشن 6 کے کمرہ نمبر 7 پر دھاوا بول دیا اور وہاں سے قیدیوں کو ایک انتہائی تنگ کمرے میں منتقل کرکے کمرے کی تلاشی لی۔
اسرائیلی حکام کے مطابق اسیران نے موبائل فون چھپا رکھے ہیں اورانہوں نے کچھ اسیران کا ذاتی سامان بھی ضبط کرلیا۔
اشقر کے مطابق 5 دن قبل کیتر یونٹ نے نقب جیل کے سیکشن 24 کے کمرہ نمبر 7 پر دھاوا بول دیا تھا اور اسی بہانے سے اس کمرے کی بھی گھنٹوں تلاشی لی تھی۔
نقب جیل میں ہمیشہ ابلاغ کے لئے استعمال ہونے والے آلہ جات کی تلاشی کے لئے مختلف اسپیشل یونٹوں کی مدد سے وحشیانہ انداز میں تلاشی مہمات جاری رکھی جاتیں ہیں۔ یہ آلہ جات قیدی اپنے عزیزوں سے رابطہ کرنے کے لئے رکھتے ہیں کیونکہ ان کو ملاقاتوں کی اجازت نہیں ہے۔