مقبوضہ بیت المقدس (روز نامہ قدس ۔آن لائن خبر رساں ادارہ) صیہونی زندان میں قید ایک فلسطینی شہری نے انتظامی حراست کے خلاف بہ طور احتجاج بھوک ہڑتال شروع کی ہے۔
روز نامہ قدس کو موصول ہونے والی اطلاعات کے مطابق مقبوضہ بیت المقدس کے جنوبی قصبےسلوان کے رہائشی عادل السلوادی نے اسرائیلی عدالت سے انتظامی قید سنائے جانے کے خلاف بہ طورپر احتجاج بھوک ہڑتال شروع کی ہے۔
اسیر کے اہل خانہ کا کہنا ہے کہ السلوادی کو اسرائیلی پولیس دو ماہ قبل بطن الھوایٰ کے مقام سے حراست میں لیا تھا۔ 46 سالہ عادل السلوادی کو کو اسرائیلی حکام نے 6 ماہ کی انتظامی حراست کی سزا سنائی۔
اسرائیلی حکام کی طرف سے فلسطینی شہری کواسرائیل کی سلامتی کےلیے خطرہ قرار دیا اور اسی الزام میں اسے چھ ماہ کے لیے جیل میں ڈال دیاگیا تھا۔ اس نے دو روز قبل انتظامی قید کے خلاف بہ احتجاج بھوک ہڑتال شروع کی تھی۔
خیال رہے کہ اسرائیلی جیلوں میں 500 کے قریب انتظامی قیدی ہیں جنہیں بغیر کسی جرم کے پابند سلاسل کیا گیا ہے۔