ایک جانب اسرائیلی فوج کی فلسطینیوں کے خلاف مہلک ہتھیاروں سے غیر اعلانیہ جنگ کا سلسلہ جاری ہے اور دوسری جانب قابض صہیونی حکومت اقوام متحدہ میں فلسطینی مزاحمت کاروں کے راکٹ حملوں کی بھی شکایت کی ہے۔
مرکز اطلاعات فلسطین کے مطابق "یو این” میں اسرائیلی مندوب خاص "رون بروسور” نے تنظیم کے سیکرٹری جنرل بین کی مون کو ایک مکتوب ارسال کیا ہے جس میں ان سے کہا گیا ہے کہ فلسطینی شہر غزہ کی پٹی سے اسرائیلی کالونیوں پر راکٹ حملوں کا سلسلہ بدستور جاری ہے۔ مکتوب میں کہا گیا ہے کہ فلسطینی اتھارٹی اور غزہ کی حکمراں جماعت حماس کے درمیان مفاہمتی معاہدے کے بعد غزہ کے مزاحمت کاروں کی طرف سے جنوبی فلسطین میں قائم یہودی کالونیوں پر راکٹ حملوں کا سلسلہ بڑھ سکتا ہے۔
بشکریہ:مرکزاطلاعات فلسطین