(روز نامہ قدس ۔آنلائن خبر رساں ادارہ) غیر قانونی صیہونی ریاست اور حماس کے درمیان غزہ میں اسرائیلی دہشتگردی کے حوالے سے معاہدہ طے پانے میں ناکامی کے بعد غیر قانونی صیہونی ریاست کے وزیر دفاع نے غزہ کی پٹی کے لیے مستقبل کے لائحہ عمل کا اعلان کر دیا۔
صیہونی ریاست کے وزیر دفاع یسرائیل کاٹز نے کہا ہے کہ غیر قانونی صیہونی ریاست کی فوج غزہ میں سکیورٹی کنٹرول برقرار رکھے گی۔ سکیورٹی حماس کے ماتحت نہیں ہوگی۔ غزہ میں سکیورٹی کا کنٹرول غیر قانونی صیہونی ریاست کی فوج کے ہاتھ میں رہے گا۔ یہاں حماس کی حکومت نہیں رہے گی۔ یہاں حماس کا کوئی فوجی کنٹرول نہیں ہوگا۔
غاصب صیہونی ریاست کے وزیر دفاع نے مزید کہا کہ ہم اس بات کو بھی یقینی بنائیں گے کہ محصور شہر غزہ میں بفر زونز اور کنٹرول سائٹس ہوں گی اور اس کے ساتھ ہم تمام یرغمالیوں کی رہائی اور حماس کو شکست دینے کے لیے کام کریں گے۔
کاٹز نے مزید کہا کہ غزہ اور مصر کی سرحد کے ساتھ فلاڈیلفیا محور کی سکیورٹی غیر قانونی صیہونی ریاست کی فوج کے ہاتھ میں رہے گی، جس سے خطرات کو دور کرنے، سرنگوں کی کھدائی کو روکنے، دہشتگردی کے بنیادی ڈھانچے کے قیام کو روکنے میں مدد ملے گی۔
انہوں نے یہ بھی کہا کہ لبنان اور شام کی طرح یہاں غزہ میں بھی ہم اس بات کو یقینی بنائیں گے کہ غیر قانونی صیہونی ریاست کے قصبوں، غیر قانونی صیہونی ریاست کے شہریوں اور غیر قانونی صیہونی ریاست کے فوجیوں کے خلاف مزید خطرات پیدا نہ ہوں۔