قابض اسرائیلی فوج کی بحریہ نے غزہ کی پٹی سے تعلق رکھنے والے ماہی گیروں کو سمندر میں مچھلیوں کے شکار کے لیے پانچ میل سے آگے جانے سے سختی سے منع کردیا ہے۔ گذشتہ روز ماہی گیر اپنی کشتیوں پر سمندر میں ابھی چار کلومیٹر ہی آگے گئے تھے کہ صہیونی فوجیوں نے ان پر فائرنگ شروع کردی۔
مرکز اطلاعات فلسطین کے مطابق غزہ وزارت ذراعت کا کہنا ہے کہ اسرائیل نے سمندر میں پانچ میل پورے ہونے کے بعد علامتیں قائم کی ہیں تاکہ فلسطینی ان سے آگے ماہی گیری کے لیے نہ جاسکیں۔ وزارت ذراعت کا کہنا ہے کہ صہیونی فوج کی جانب سے یہ پابندی حال ہی میں مصر کی ثالثی کے تحت طے پائے جنگ بندی معاہدے کی کھلی خلاف ورزی ہے، قاہرہ معاہدے میں فلسطینی ماہی گیروں کو سمندر میں چھ میل تک ماہی گیری کی اجازت فراہم کی گئی ہے۔ اگلے مرحلے میں اسے 12 میل تک لے جانا ہے۔