(روز نامہ قدس ۔آنلائن خبر رساں ادارہ ) شہدا میں 8 ہزار 663 بچے اور 6 ہزار 327 خواتین، انروا کے 1500 سے زائد ملازمین، 800 سے زائد ڈاکٹرز ،پیرا میڈکس ور طبی شعبے کے افراد جبکہ 50 سے زائد اساتذہ شامل ہیں۔
مقبوضہ فلسطین کے محصور شہر غزہ پر غیر قانونی صیہونی ریاست کی دہشتگردی کو آج 3 ماہ مکمل ہوگئے ہیں اس دوران صیہونی فوج نے امریکی اور مغربی دنیا کی حمایت سے غزہ پر ظلم و بربریت کے پہاڑ توڑڈالے، اسرائیل کی جانب سے 90 روزسے جاری وحشیانہ بمباری میں اب تک 22،673 فلسطینی شہید ہوچکے ہیں ، 57 ہزار 300 سے زائد زخمی ، 12 لاکھ سے زائد نقل مکانی کرچکے ہیں 8 لاکھ کے قریب بے گھر ہیں جبکہ 20 ہزار کے قریب فلسطینی تاحال لاپتہ ہیں جن کے حوالے سے خدشہ ہے کہ وہ اسرائیلی فوج کی وحشیانہ بمباری کے نتیجے میں تباہ ہونے والے عمارات کے ملبے تلے دبے ہوئے ہیں۔