(روز نامہ قدس ۔آنلائن خبر رساں ادارہ ) اقوام متحدہ سمیت انسانی حقوق کے ہزاروں اداروں ، دنیا بھر میں لاکھوں افراد کے احتجاج کے باوجود صیہونی ریاست اسرائیل کی محصور غزہ پر دہشتگردی 150 روز سے جاری ہے۔
فلسطینی وزارت صحت کی جانب سے اسرائیلی سنگین جنگی جرائم کی تازہ تفصیلات جاری کی گئی ہیں جس میں بتایا گیا ہے کہ غیر قانونی صیہونی ریاست نے گذشتہ 24 گھنٹوں کے دوران غزہ شہر کے 25 سے زائد مقامات پر قتل عام کا سلسلہ جاری رکھا جس کے نتیجےمیں خواتین اور بچوں سمیت مزید90 فلسطینی شہید ہوئے جبکہ 180 سے زائد زخمی ہوگئے
وزارت صحت نے مزید کہا کہ متاثرین کی ایک بڑی تعداد اب بھی ملبے کے نیچے اور سڑکوں پر ہے۔قابض فوج ایمبولینس کے عملے اور شہری دفاع کے اہلکاروں کو زخمیوں کی امداد کی اجازت نہیں دے رہی ہے امداد کی کوشش کرنے والے کارکنان کو صیہونی فوج کے اسنائپر ز نشانہ بنارہے ہیں ۔
واضح رہے کہ گذشتہ اکتوبر کی سات تاریخ سے اب تک اسرائیلی جارحیت میں 30,410 شہید اور 71,700 زخمی ہوئے ہیں۔