(روز نامہ قدس ۔آنلائن خبر رساں ادارہ ) نماز جمعہ کے دوران صیہونی آبادکاروں کے ہجوم نے آتش گیر مواد سے مسجد کو نذر آتش کرنے کی کوشش کی تاہم نمازیوں نے مقابلہ کیا او رصیہونی دشمنوں کو بھاگنے پر مجبور کردیا۔
صحافی محمود برکات کےمطابق آج جمعہ کی دوپہر، غیر قانونی یہودی بستی مجرون "گیوت الصف” سے تعلق رکھنےو الے آباد کاروں نے وسطی مغربی کنارے میں رام اللہ کے مشرقی گاؤں برقہ میں قائم مسجد النور کو نماز کے دوران نمازیوں سمیت جلانے کی کوشش کی۔
انھوں نے بتایا کہ صیہونی آبادکاروں نے اپنے ہاتھوں میں آتش گیر مواد لے کر مسجد اور اس کے اندر موجود تمام افراد کو جلانے کی کوشش میں اکٹھے ہو گئے، لیکن جوانوں اور رہائشیوں نے ان کا مقابلہ کیا اور تصادم شروع ہو گیا۔ اس کے بعد قابض فورسز نے آباد کاروں کی حفاظت کے لیے علاقے پر دھاوا بول دیا اور نمازیوں کو منتشر کرنے کے لیے ان پر اسٹن گرینیڈ اور آنسو گیس کے گولے داغے ۔