(روز نامہ قدس ۔آنلائن خبر رساں ادارہ ) غیر قانونی مسلح صیہونی آبادکاروں نے اسرائیلی سیکیورٹی فورسز کی سرپرستی میں فلسطینیو علاقوں پر حملوں کا سلسلہ جاری رکھا ہوا ہے، گذشتہ روز بھی آبادکاروں کے حملوں کے بعد پر تشدد جھڑپیں دیکھیں میں آئیں۔
مقامی ذرائع کے مطابق گذشتہ روز غیر قانونی مسلح صیہونی آبادکاروں نے مقبوضہ مغربی کنارے کے شہر رام اللہ کے شمال مغرب میں واقع مغربی گاؤں المزرعہ میں فلسطینیوں پر حملہ کیا ، دکانوں ،گاڑیوں اور مکانات کے شیشے توڑ دیئے اور املاک کو آگ لگادی جس کے بعد فلسطینی نوجوانوں نے مسلح آبادکاروں کا مقابلہ کیا اور انھیں چاروں جانب سے گھیر لیا جس کے بعد صیہونی فورسز نے آبادکاروں کو چھڑایا۔
مقامی فلسطینی باشندوں نے صیہونی آباد کاروں کو گھیر لیا تاہم مسلح آبادکاروں کے حملے میں متعدد فلسطینی شہریوں کے زخمی ہونے کی اطلاع ملیں، جب کہ غاصب صیہونی فورسز نے فلسطینیوں کے خلاف زہریلی گیس کے بموں کا استعمال کیا اور فائرنگ کی فائرنگ کی۔صیہونی آباد کاروں کے حملے کے نتیجے میں مغربی مزرہ، رام اللہ میں کوہ حراشا کو جلا دیا گیا۔