(روز نامہ قدس ۔آنلائن خبر رساں ادارہ ) غاصب صیہونی افواج نے 7 اکتوبر سے آج تک وحشیانہ حملوں میں غزہ کے 433 خاندانوں کی خواتین اور شیرخوار بچوں سمیت پوری نسل قتل کرڈالی ہے۔
غیر قانونی صیہونی ریاست کی نام نہاد فوج نے آج صبح غزہ کے جنوب میں واقع خان یونس کے مرکز السیکالی اسٹریٹ پر ایک مکان کو نشانہ بنایا جس کے نتیجے خواتین اور بچوں سمیت 15 فلسطینی شہید ہوئے۔
فلسطینی وزارت صحت کی جانب سے جاری بیان میں بتایا گیا کہ صیہونی افواج نے مسلسل 12ویں دن بھی غزہ کے نہتے شہریوں پر وحشیانہ بمباری کا سلسلہ جاری رکھاہے جس کے باعث غزہ پر اپنی جارحیت کے آغاز سے لے کر اب تک تقریباً 3,478 فلسطینیوں کو شہید کیا جبکہ زخمیوں کی تعداد پندرہ ہزار سے تجاوز کرگئی ہے جس میں 70 فیصد بچے اور خواتین ہیں۔