(روز نامہ قدس ۔آنلائن خبر رساں ادارہ )شہید ہونے والے فلسطینی مقبوضہ مغربی کنارے کے مختلف شہروں میں اسرائیلی بربریت کا شکار ہوئے۔
فلسطینی ذرائع ابلاغ کے مطابق ایک جانب صیہونی دشمن غزہ پر وحشیانہ بمباری جاری رکھے ہوئے ہے تو دوسری جانب مقبوضہ مغربی کنارے میں بھی اسرائیلی فوج فلسطینیوں کو نشانہ بنارہی ہے گذشتہ روز مقبوضہ مغربی کنارے اور بیت المقدس کے مختلف علاقوں میں غاصب صیہونی افواج کی فائرنگ سے چھ نوجوان شہید ہوگئے۔
فلسطینی وزارت صحت نے اعلان کیا کہ بیتہ قصبے سے تعلق رکھنےوالے 19 سالہ عماد جراح یاسین عدیلی کو اسرائیلی فوج کے اسنائپر نے گردن میں گولی مار کرشہید کیا۔
وزارت صحت نے بیان میں اطلاع دی ہے کہ قلندیہ چوکی کے قریب قابض فوج کی گولیوں کا نشانہ بننے کے بعد رام اللہ کے فلسطین میڈیکل کمپلیکس میں تین شہیدوں کےجسد خاکی اور آٹھ زخمی لاگئے۔
ہ شہید ہونے والوں میں یروشلم کے شمال مغرب میں بیت عنان سے تعلق رکھنے والے محمد زیاد عبدالجلیل حامد کا تعلق بیتونیہ قصبے سے تھا۔ 36 سالہ امجد مہر علیان خضیر اور 17 سالہ طائر سمیع علی کسبہ شامل ہیں۔