(روز نامہ قدس ۔آنلائن خبر رساں ادارہ ) صیہونی دشمن نے غزہ میں 2000 سے زائد مقامات جن میں اسکول ، کالج ، اسپتال اور پناہ گزین کیمپس شامل ہیں پر وحشیانہ بمباری کی ہے اور تاحال یہ سلسلہ جاری ہے۔
مقبوضہ فلسطین کی مزاحمتی تحریک حما س کی جانب سے غیر قانونی صیہونی ریاست اسرئیل پر ناقابل یقین غیر معمولی حملوں کا سلسلہ پانچویں روز میں داخل ہوگیا ہے۔صیہونی دشمن کی جانب سے غزہ کی ناکہ بندی سخت کردی گئی ہے اور حملے تیز کر دیےگئے ہیں۔
غیر ملکی ذرائع ابلاغ کے مطابق صیہونی ریاست کی نام نہاد افواج نے مقبوضہ فلسطین کے محصور شہر غزہ پر پانچ روز کے دوران 2000 سے زائد مقامات کو نشانہ بنایا ہے جس میں اسکول ، کالجز،اسپتال ، پناہ گزین کیمپس سمیت اقوام متحدہ کے تحت چلنے والے شیلٹر ہاوس بھی شامل ہیں۔
فلسطینی وزارت صحت نے اعلان کیا ہے کہ غزہ کی پٹی پر صیہونی جارحیت کے نتیجے میں اب تک 900سے زائد فلسطینی شہریوں کی شہادت کی تصدیق کی گئی ہے۔ شہداء میں260 بچے اور 230خواتین شامل ہیں۔