(روز نامہ قدس ۔آنلائن خبر رساں ادارہ ) مسلح صہیونی آبادکاروں کے ایک گروپ نے فلسطینی آبادی پر حملہ کیا اور زرعی زمینوں پر کام کرنے والے مزدوروں کو زخمی کردیا۔
فلسطینی ذرائع کے مطابق غیر قانونی صہیونی آبادکاروں کے ایک مسلح گروپ نے گذشتہ روز قبوضہ مغربی کنارے کےجنوبی شہر الخلیل میں مسافر یطا کے قریب الحمرہ اور الخروبہ کے علاقوں میں فلسطینی کاشتکاروں اور چرواہوں پر حملہ کیا، آبادکاروں نے کاشتکاروں کے عارضی آرام کے لئے بنائے گئے پناہ گاہیں اور پانی کے ذخیروں کو نقصان پہنچایا جبکہ چرواہوں پر تشدد کیا جس کے نتیجے میں چار افراد زخمی ہوگئے۔