(روزنامہ قدس ۔آن لائن خبر رساں ادارہ) تصویری نمائش میں کراچی کے شہریوں نے یوم القدس کے موقع پر فلسطین فاؤنڈیشن پاکستان کے اس اقدام کی تعریف کی اور فلسطینیوں سے محبت اور یکجہتی کے اظہار کے اس انداز کی بھر پور قدردانی کی۔
تفصیلات کے مطابق گذشتہ روز جمعة الوداع کو عالمی یوم القدس کی مناسبت سے فلسطین فاؤنڈیشن پاکستان کے زیر اہتمام کراچی میں ایم اے جناح روڈ پر فلسطینی عوام پر ڈھائے جانے والے سو سالہ صہیونی مظالم پر مبنی تصویری نمائش کا انعقاد کیا گیا جس میں بڑی تعداد میں شہریوں نے شرکت کی اور تصویری نمائش کو سراہا۔
فلسطینیوں پر صہیونی مظالم پر مبنی اس تصویری نمائش میں تاریخ فلسطین، انتفاضہ فلسطین اور جدوجہد فلسطین کے مختلف ادوار سمیت مزاحمت فلسطین و قدس اور شہدائے فلسطین القدس کی تصاویر آویزاں کی گئی تھیں جس کا مقصد صہیونی جارحیت کوپوری دنیا کے سامنے لانا اور خاص طور پرقابض ریاست اسرائیل کی فلسطینی مسلمانوں کے خلاف انتقامی کارروائیوں کو پاکستان کے ہر شہری تک پہنچاکر صہیونیت کے مکروہ چہرے کو بے نقاب کر ناتھا۔
تصویری نمائش میں شرکت کر نے والےکراچی کے شہریوں نے یوم القدس کے موقع پر فلسطین فاؤنڈیشن پاکستان کے اس اقدام کی تعریف کی اور فلسطینیوں سے محبت اور یکجہتی کے اظہار کے اس انداز کی بھر پور قدردانی کی۔