(روز نامہ قدس ۔آنلائن خبر رساں ادارہ) مقبوضہ فلسطین میں غیر قانونی صیہونی بستیوں کے لئے سرگرم عمل شدت پسند یشیئل لیٹر کو امریکہ میں صیہونی ریاست کا سفیر مقرر کردیا ہے۔
تفصیلات کےمطابق غیر قانونی صیہونی ریاست اسرائیل کے شدت پسند وزریراعظم نیتن یاہو نے یشیئل لیٹر کو سفیر مائیک ہرزوگ کی جگہ مقرر کردیا ہے جو کہ اپنی مذہبی شدت پسندی کے باعث نیتن یاہو کے قریبی سمجھے جاتے ہیں، اس سے قبل یشیئل نیتن یاہو کے چیف آف اسٹاف کے طور پر خدمات انجام دے چکا ہے جب نیتن یاہو برسوں پہلے وزیر خزانہ تھے۔
لیٹر ریاستہائے متحدہ میں پیدا ہو اور تقریباً چار دہائیاں قبل مقبوضہ علاقوں میں آباد ہونے کے لیے فلسطین منتقل ہوئے تھے۔ لیٹر الخلیل میں غیر قانیونی صیہونی بسیتوں کی آباد کاری کے حوالے سے سرگرم کردار سمجھے جاتے ہیں۔ نئے اسرائیلی سفیر کا ایک بیٹا موشے غزہ پر اسرائیلی نسل کشی کی جنگ کے دوران ہلاک ہو اور دوسرا بیٹا شالداگ یونٹ میں ریزرو افسر تھا اور تقریباً ایک سال قبل شمالی غزہ میں لڑائی میں مارا جاچکا ہے۔