یحییٰ سنوار غزہ میں خیریت سے ہیں، صیہونی پروپیگنڈا جھوٹ ہے: حماس

(روز نامہ قدس ۔آنلائن خبر رساں ادارہ) حماس کے سربراہ یحییٰ سنوار غزہ میں محفوظ ہیں اور حماس کی سیاسی اور عسکری قیادت پوری طرح رابطے میں ہے۔

فسلطین پر قابض غیر قانونی صیہونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے سینئر رہنما اور پاکستان اور ایران کے لئے نمائندہ خصوصی ڈاکٹر خالد قدومی نے حماس کے سیاسی شعبے کے سربراہ یحییٰ سنوار سے رابطہ منقطع ہونے کے حوالے سے صیہونی ریاست اسرائیل کے مختلف بیانات کو مستردکرتےہوئے کہا ہے کہ غاصب ریاست کے یحییٰ سنوار سے متعلق پراپیگنڈا محض جھوٹ کے کچھ نہیں ہے۔

اپنے ایک جاری بیان میں ڈاکٹر خالد قدومی نے کہا ہے کہ حماس کے سربراہ یحییٰ سنوار غزہ میں خیریت سے ہیں اور حماس کی سیاسی اور عسکری قیادت ان کے ساتھ مکمل طور پر رابطے میں ہے اور وہ غزہ میں  صیہونی ریاست کے خلاف مزاحمت کی قیادت کر رہے ہیں۔

۔ان کا کہنا تھا کہ اسرائیل جھوٹی خبریں پھیلا کر فلسطینی عوام کے حوصلے توڑنا چاہتا ہے لیکن وہ ثابت قدم عظیم فلسطینی عوام کے حوصلوں کو کبھی شکست نہیں دے سکے گا۔