غزہ کی سرنگوں سے یحییٰ السنوار کا الجزائر کے صدر کو مبارکباد کا پیغام

 (روز نامہ قدس ۔آنلائن خبر رساں ادارہ ) غاصب صیہونی افواج گیارہ ماہ سے غزہ پر وحشیانہ بمباری جاری رکھے ہوئے ہے اور حماس کو تباہ کرنے کے نئے نئے دعوے کررہی ہے تاہم یحییٰ السنوار نے غزہ کی سرنگوں ے پیغام بھیج کر ثابت کردیا ہے کہ مزاحمت کی قیادت محفوظ ہے اور مضبوط ہے۔

فلسطین پر قابض غیر قانونی صیہونی ریاست اسرائیل کے مظالم کے خلاف برسرپیکار اسلامی تحریک مزاحمت ’حماس‘ کے سیاسی بیورو کے سربراہ یحییٰ السنوار نے گذشتہ روز غزہ کی سرنگوں سے صدر عبدالمجید تبون کو دوسری بار الجزائر کا صدر منتخب ہونے پر تہنیتی پیغام بھیجا ہے۔

السنوار کی طرف سے پریس کو جاری ایک بیان میں الجزائر میں صدارتی انتخابات میں کامیابی کے موقع پر الجزائری عوام کو مبارک باد پیش ہے جس میں الجزائری عوام نے صدر عبدالمجید تبون پرایک بار پھر اعتماد کا اظہار کیا ہے۔

انھوں نے اپنے بیان میں کہا کہ میں فلسطینی عوام کی طرف سے ریکارڈ کی گئی بہادری اور دشمن کے خلاف جاری جنگ میں ثابت قدمی کا پیغام بھیج رہا ہوں۔ فلسطینی عوام نےطوفا اقصی معرکے میں پوری بہادری اور ثابت قدمی کے ساتھ مزاحمت جاری رکھی اور نسل کشی کی جنگ میں دشمن کی جارحیت کا بھرپور طریقے سے مقابلہ کیا ہے۔

حماس کے سربراہ نے فلسطینی عوام کے شانہ بشانہ کھڑے ہونے اور بین الاقوامی فورمز پر ان کے حقوق کا دفاع کرنے میں الجزائر کے کردار کو سراہا۔ انہوں نے کہا کہ الجزائر کی طرح فلسطین بھی دشمن کے استعمار سےجلد آزادی کی منزل سے ہم کنار ہوگا۔

واضح رہے کہ غیر قانونی صیہونی ریاست اسرائیل کی افواج نے فضا زمین اور سمندر کے راستے سے گذشتہ 11 ماہ سے غزہ پر وحشیانہ بمباری کا سلسلہ جاری رکھا ہوا ہے جس کےنتیجےمیں اب تک خواتین اور بچوں سمیت 40 ہزار سے زائد فلسطینی شہید اور ایک لاکھ کے قریب زخمی ہیں اس کے باوجود مزاحمت کی جانب سے بھیجاجانے والا پیغام اس بات کا ثبوت ہے کہ غزہ میں مزاحمت محفوظ ہے اور مضبوط ہے۔