(روز نامہ قدس ۔آنلائن خبر رساں ادارہ) غیر قانونی صیہونی بستی ایریل کے قریب مجاہدین کی فائرنگ کی زد میں آنے والی بس تل ابیب سے آرہی تھی جس میں فوجی بھی سوار تھے۔
مقبوضہ مغربی کنارے کے شمالی شہر قلقیلیہ میں قائم غیر قانونی صیہونی بستی ’ایریل کے قریب فلسطینی مزاحمت کاروں نے غاصب افواج کے ایک گروپ اور غیرقانونی صیہونی آبادکاروں کی ایک بس پرگھات لگا حملہ کیا ہے جس کےنتیجے میں فوجیوں سمیت نو صیہونی زخمی ہوئے ہیں۔
صیہونی میڈیا کے مطابق فدائی حملے کی یہ کارروائی "گیٹی اویسار” موڑ کے قریب کی گئی جو مقبوضہ مغربی کنارے کے شمال میں سلفیت شہر کے قریب ہے۔ اسرائیلی ایمبولینس میگن ڈیوڈ ایڈوم نے اعلان کیا کہ 9 اسرائیلی زخمی ہیں جن میں 3 کی حالت تشویشناک ہے۔
سروسز نے وضاحت کی کہ تمام زخمیوں کو اسرائیلی بیلنسن اسپتال منتقل کر دیا گیا ہے۔
صیہونی فوج نے کہا ہے اس نے حملہ کرنے والے فلسطینی کو گولی مار کر شہید کردیا۔ اسلامی تحریک مزاحمت ’حماس‘ کے عسکری ونگ عزالدین القسام بریگیڈز نے اس کارروائی کی ذمہ داری قبول کرلی ہے۔