مغربی کنارہ: صیہونی فوج نے ایک اور فلسطینی کو شہید کردیا

(روز نامہ قدس ۔آنلائن خبر رساں ادارہ)صہیونی افواج نےکیمپ پر دھاوا بولا اور متعدد گھروں پر لڑاکا طیاروں سے بمباری کی، شہریوں پر گولیاں اور اسٹن گرنیڈ برسائے جس سے متعدد فلسطینی زخمی ہوئے۔

فلسطینی ذائع ابلاغ کی رپورٹ کے مطابق فلسطین پر قابض غیر قانونی صیہونی ریاست اسرائیل کی نام نہاد فوج نے گذشتہ روز مقبوضہ فلسطین کے غرب اردن کے جنوبی شہر الخلیل کے جنوب میں واقع الفوار کیمپ پر تلاشی کے نام پر روایتی لوٹ مار اور مکینوں کو تشدد کا نشانہ بنانے کی کارروائی شروع کی اس دوران غاصب صیہونی فوج کے لڑاکا طیاروں نے کیمپ پر بمباری کی اس کے ساتھ زمین پر موجود فوج نے فلسطینیوں پر گولیاں چلائیں اور اسٹین گرنیڈ پھینکیے جس کے نیتجے میں 29 سالہ فلسطینی نوجوان یحییٰ دانیال عوض سینے میں گولیاں لگنے سے شہید جبکہ دیگر چار شدید زخمی ہوگئے۔

دوسری جانب فلسطینی دھڑوں نے الفوار کیمپ میں ایک جامع ہڑتال کا اعلان کرتے ہوئے عوض کی شہادت کی مذمت کی ہے۔ عوض شادی شدہ اور ایک کم سن بیٹی کا باپ اور الخلیل میونسپلٹی میں ملازم تھا۔ .