(روز نامہ قدس ۔آنلائن خبر رساں ادارہ )بنی نعیم میں صیہونی آبادکاروں نےایک فلسطینی کوگولی مارکرشہیدکردیاجبکہ الخلیل میں صیہونی فوج نے22 سالہ نوجوان کوگولیاں مارکرشہید کیا۔
فلسطینی سرکاری نیوزایجنسی وفا کی رپورٹ کےمطابق غیر قانونی صیہونی فوج نے مقبوضہ مغربی کنارے کے مختلف علاقوں میں دھاوا بول دیا اور چھاپے اور گرفتاریاں کیں۔
اس دوران یطہ شہر سے تعلق رکھنے والے نوجوان ایمن الحلیس کو الخلیل کے قصبے بنی نعیم کے قریب ایک غیر قانونی صیہونی آباد کار نے فائرنگ کرکے شہید کردیا جبکہ اریحا شہر کے جنوب میں غاصب صیہونی فوج کی گولیوں سے ایک 22 سالہ نوجوان محمد الحناوی شہید ہوگیا۔
فلسطینی خبر رساں ایجنسی (وفا) کا کہنا ہے کہ غاصب صیہونی فوج نے الخلیل شہر کے کئی محلوں پر دھاوا بولا اور درجنوں فلسطینیوں کوحراست میں لے لیا۔