( روز نامہ قدس ۔آنلائن خبر رساں ادادہ) مقبوضہ مغربی کنارے کے شمالی علاقے بلتا کیمپ میں اسرائیلی قابض فوج کی گولیوں سے آج جمعرات کو ایک بزرگ خاتون اور ایک نوجوان شہید ہو گیا، دیگر زخمی ہوئے۔
فلسطینی وزارت صحت کے مطابق، 80 سالہ بزرگ خاتون حلیمہ صالح ابو لیل اور ایک نوجوان سینے اور ٹانگ میں گولی لگنے کے باعث جان کی بازی ہار گئے۔ زخمی افراد کو نابلس شہر کے رفدیہ سرکاری اسپتال منتقل کیا گیا۔ اسی دوران تلکم کیمپ میں ایک گاڑی پر بم حملے میں چار فلسطینی شہید اور تین زخمی ہو گئے۔
آج صبح قابض فوج نے مغربی کنارے کے شمال مشرق میں عقبہ اور وسطی علاقے میں رفعت پر دھاوا بول دیا۔ عقبہ میں قابض فوج نے شہداء احمد ولید ابو عراء اور عبدالرؤف راجح المصری کے گھروں کی پیمائش کی اور انہیں مسمار کرنے کی تیاری کی۔
زخمی قیدی ایمن نجح غنم کے گھر کو بھی انہدام کا نوٹس جاری کیا گیا، اور احمد ابو عرا کے گھر کو نقصان پہنچایا گیا۔ رفعت گاؤں میں، قابض فوج نے زخمی قیدی حائل عیسیٰ دافع اللہ کے گھر کو مسمار کرنے کا نوٹس دیا۔ ضعیف اللہ کو گزشتہ ستمبر رام اللہ کے قریب ایک مبینہ حملے کے الزام میں زخمی کرنے کے بعد گرفتار کیا گیا تھا۔
