(روز نامہ قدس ۔آنلائن خبر رساں ادارہ ) ہم حماس کو ختم نہیں کر سکے، ہم نے قیدیوں کی واپسی کے لیے شرائط فراہم نہیں کیں اور مشرقی سرحد پر اسرائیلی شہریوں کو بحفاظت ان کے گھروں تک واپس نہیں پہنچا سکے۔
غیر قانونی صیہونی ریاست اسرائیل کے قومی سلامتی کے چیئر مین زاچی ہنیگبی نے اسرائیلی چینل 13 کو دیئے گئے ایک انٹرویو میں اعتراف کیا ہے کہ ہم غزہ پر اپنی جنگ کا کوئی بھی مقصد حاصل کرنےمیں کامیاب نہیں ہوسکے ہیں۔
ایک سوال کے جواب میں انھوں نے کہا کہ ہم طاقت کے بھرپوراستعمال کے باوجود ایک بھی اسرائیلی مغوی کو بازیاب نہیں کراسکے ہیں یہ بہت بے عزتی کی بات ہے ، انھوں نے کہا کہ ہم یرغمالیوں کی رہائی کےلئے کوئی شرائط پیش کرنےمیں کامیاب نہیں ہوسکے ہیں اور نا ہی لبنان سرحد سے بے گھر ہونے والے اسرائیلیوں کو بحفاظت ان کے گھروں تک لانے میں کامیاب ہوسکے ہیں۔